آحلام البنآت
عزيزتي الزائرة يرجي التكرم بتسجبل الدخول اذا كنت عضوة معنا
او التسجيل ان لم
تكوني عضوة وترغبين في الانضمام الي اسرة المنتدى

سنتشرف بتسجيلك
شكرا
ادارة المنتدى


منتدى للبنات ولا يسمح بدخول الأولاد
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول
الرجاء من جميع العضوات التسجيل في هذا المنتدى:

http://noufreem.yoo7.com/forum.htm


 لأنه سيتم أغلاق المنتدى لأسباب خاصة

 Sad
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 11 بتاريخ الأربعاء يونيو 05, 2013 5:15 am

شاطر | 
 

 اللهجة الحجازية >>>كلمات رووعة لا تفوتكم

اذهب الى الأسفل 
كاتب الموضوعرسالة
♥♥         good life   ♥♥
عضوة مميزة
عضوة مميزة


عدد المساهمات : 119
تاريخ التسجيل : 14/04/2010
المزاج : كيووت

مُساهمةموضوع: اللهجة الحجازية >>>كلمات رووعة لا تفوتكم   الجمعة أبريل 23, 2010 6:38 am

بسم الله الرحمن الرحيم


نبدأ
ا اللهجه الحجازيه

هي لهجة أهل المنطقة الغربية في السعودية وتتمركز بالذات في مكه وجده والمدينة والقرى القريبة منها اكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كتير قد الجبل

وطبعا تختلف لهجة العجايز عن الجيل الحاضر ..

لهجة العجايز تحسوها معتقة ومصطلحاتها القديمة ما تنفهم وما يستخدموها الا عتقية البلد اما الشباب حقون دحين ما عاد صار يستخدموها . وكمان ما ننسى ان اللهجة الحجازية فيها الكثير من الأمثال القيمة


اليوم انا جبتلكم من لهجة ماما وخلاتي والحجاازين بالعااااااااااام

وبسم الرحمن نبدأ في بعض ما تختص بيه لهجتنا الحجازية الغاليه :

مصطلحاتنا :
في كثير من المصطلحات الحجازية اللي من الصعب انو اي واحد غير حجازي يفهمها واتفضلوا هذي بعضها :


اندر بره : اخرج >>>كلمة ماما وخلاتي والله مرة تعجبني هذي ااكلمة

اديلو : اعطيه

الدهليز : مدخل البيت

الكرتة : الفستان

الكندرة : الجزمة اكرمكم الله

القنعه : العبايه

الكرويتة : دكة خشبية

الزقاق : الشارع الضيق


باختصار هو الشارع الضيق



دندرمة : ايس كريم و تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم

دحديرة : نزلة او منحدر

الدبش : اغراض العروسة قبل لا تتزوج

القابلة : بكره = اللي تولد الحوامل

المملك : المأذون الشرعي

الدقيسي :الفراغ اللي تحت الدرج أو المخزن

المرقعة : الدلع والمياعه في الكلام والتصرف

يتتريق : يستهزء

اللغوصة : نقل الكلام وتسبيب المشاكل

الدحلسة : اذا كنت بتتمصلح مع واحد عشان تبغى منه شي تقول يدحلس .

هججوني : ازعجوني

قوام : بسرعه , حالاً

مضليون : طبعاً الكلمة هذي تحفة اللهجة المكاوية، وكانت النساء تتفاخر بمن تملك فيهن مضليون و المضليون هو البروش الألماس



الحرمصة: يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر

المرمشة: يمين بالله علينا كلمات فلّه

المرمشه: بفتح الميمين هي نهش ما على العظام من اللحم، أو نهش ما على أي شيء من أي شيء

الزبلحة: ياساتر على الكلمات اللي تودي فدهية، المهم الزبلحة هي قلة الأدب والتواقح في الكلام

العكننه : وهي التنكيد على شخص معين،

و في مصطلحات كتيرررررررررر غيرها


أمثال حجازية

تلقط الكباب من فوووق القدر ,,<<هذا يعني انو مثلا انت قاعد تتكلم

وليس ماكملت كلامك وجا واحد لقط كلمة من كلامك وقال ليش فتقولوا زي كذا >> فهمتوا

إذا جيت رايح كتر من الفضايح.

او إذا جيت رايح كتر من الملايح

بعد ما أكل واتكا قال ريحته مستكا.

حاجه ما تهمك وصي عليها جوز أمك.

ست وجاريتين على قلي بيضتين.

أعمى ويلضم خرز.

دلع الكبار زي الشقدف على الحمار
يضرب هذا المثل لخروج العجوز عن وقاره وجديته
والشقدف عشان الاسئلة بس:ما كان يوضع على الجمل ليجلس فيه المسافرون

مايجي القنج الا عند الحمير العرج =عندما لاتستسيغ دلع الغير
ياما تحت السواهي دواهي


اللي ماله أم حاله يغم.

كنس بيتك ورشُه ما تدري مين يخشوا.

الخايبه تتعلق بالحبال الدايب.

أهري وانكتي يا جاره وأنا ثابته زي العماره.

شايل لنا طيران عبد القادر

لو لك شي عند الكلب قول له يا سيدي

لا تقرصيني يا نحله ما أبغالك عسل..

يحسدوا الفقير على موتة الجمعه

سكتنا له دخل بحمارووو

ما يقدروا على الحمار يقدروا على البردعة

اذا حلقوا لغيرك بل راسك واستنى

ايش عرف الحمير بأكل الجنزبيل

البيض الفاسد يدحرج على بعضه


اذا تعاندوا الحمير يا بخت الركاب


البيضه ما تخابط حجر

حوع القملة براس الاقرع= عندما يجوع الشخص ةلا يصبر علي الجوع

حبيبك يمضغ لك الزلط وعدوك يعد لك الغلط


حمارتك العرجة تغنيك عن سؤال اللئيم


داخل لبيت العروسه نادر من بيت العريس


ياريتني بيضه وعرجه اصلوا البياض فرجه(بضم الفا).


يااخد القرد بماله يروح المال ويبقا القرد على حالو


الله من محبته في عبيدو جعل العمر والرزق بيدو.


اللي يشوفني بعين اشوفوا باتنين.


مين يشوفك يالي في الضلام تغمز


على قد زيتوا سرجلوا


ماتعرف خيري لين ماتجرب غيري


عقربة في الغار ولا ضُرة في الدار



فقير اتجوز فقيرة خلفوا وجع القلب


كبيرهم فلفل وصغيرهم زنجبيل واللي في الكوفلة يقول من العايدين


خاتم بفصو وكل شيء ترصوا


خشوني لاتنسوني ولعوا الشمعة وشوفوني


عمية تحفف مجنونة وتقولها حواجبك سودا ومقرونة


الصرمة والقبقاب صاروا أصحاب


يا داق الموية في المهراس يا مربي وليد الناس


كل عيش البخيل ولا تأكل عيش المنان


أدب ولدك وان زعلت امه


يابخت من بكاني وبكى الناس عليه ولا من ضحكني وضحك الناس عليه.


رضينا بالهم والهم ما رضي بينا


اتملت العدوة وقلت المروه


أكلوا الملوخية وصاروا أفندية


لمن كنا ما كانوا ولمن رقدنا قاموا


قالوا متى طلعت القصر قالوا أمس العصر


العروسه للعريس والجري للمتاعيس


سلامتك والهيل والقرنفل قمامتك


اللي يشيل قربه مخروقه تنقط على راسه


الحجر من الارض والدم من راسك


أخوانك من أمك زي الدهب في كمك و أخوانك من أبوك زي القوم لما ينهبوك

من بيت أصقع لبيت أرقع


مطبق العاده و معصوب كل يوم
ههههههههههههههههههههههههه


في كل محضر بالتوب الاخضر

باب المجلس يقول باب السطوح .. اللي يجي يجي .. واللي يروح يروح


خليها في القلب تجرح و لاتخرج بره ترمح

الحر من غمزة والحمار من رفزه

يضرب هذا المثل لايضاح الفرق بين النبيه والبليد.

حمار الحكومة حكومة
يضرب هذا المثل للموظف الصغير المتسلط على الناس


خطبوها اتعززت تركوها اتندمت
يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان


كل حبه مسوسه لها كيال اعور

قلبي على ولدي انفطر وقلب ولدي عليا حجر.


و لا تنسوا ارضى بقردك لايجيك اللي أقرد منوو
الحب عياقة ...توب بلا ياقة



الالقااااااااااااااب :


عمر : أبوسراج
حسن : أبو على
حسين : أبو هلال
يوسف : أبو يعقوب
عبدالله : عبادي او ابو عابد
عبدالرحمن : الوجيه
عبد الرحيم : أبو رحمه
فيصل : أبو عبدالله
عبد العزيز : عزيز أو ابوسعود
فاطمة : فتو
مريم : منّة
ابراهيم : أبو خليل


كمان الحجازيين فيهم اخلاق و احترام مافي بعدها




لما يطلب منك سكينه ايش يقول ؟

يقولك الله يخليك اديني سكينة في قلب العدو

لما يقلك كنت بأكل

يقلك كنت ب أتعشى مثلاً فضله خيرك



أشياء وترجمتها ::


المركّب: بتشديد الكاف، وهو ما يسميه جميع الناس الآن (المطبخ) والى الآن يعتبر علماء اللغة العربية هذه التسمية من عجائب التسميات لأنه لا يوجد سبب معروف للتسميه هذه إلى الآن!!!!


الدقيسي: بتشديد الدال وكسرها وكسر السين، وهو ما يعرف بالمستودع


الفقده:مفعول عشانه من فعل يفقد، وهذا نوع آخر من أنواع المداعبة وهي الخاصة بالأم المكاويه.
حيث تداعب أولادها بـ (تعال الله يفقدك)


توتوا: وهو نوع من أنواع المعادن . ويستخدمونها الحجازيين تصنيع نوعين من الأشياء اللي تنحط فيها مويه للشرب ويسمها المغراف


المغراف:هو نوع من أنواع الكاسات التوتوا ، في حين انه تمت إضافة معلومة من علماء الجن المذكورين سابقا

على طبطابي .. : يعني على مزاجي : cool:

مِرَسْتَكَه ..: يعني مرة شياكة .. ومرتبّة


وايق : .... يعني طالع .... يعني مثلاً تقول .. : ( ياواد وايق زي الناس لا اهبدك باتقل شي قدامي ..


و لا أهبدك اللين أجدد ايمانك ,,كلمة خاالو خخخخخخخخخخخخ

تزل ... : يعني تمر

مرحبمبك ... : يعني مرحبا بك .. بس باختصار شوية : D

باطِرمَة ... : يعني جلسة ... كنب حاجة زي كده ...

كَرَاوِيتَه : ... حاجة خشب كده ... يحطوا عليها الباطرمة ....

مَدَارِيْه : ...... مراجيح ...

ندرت عينك من حُقّها ... : يعني خرجت عينك من محلها .... كده ::]



شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) .. ::]

قيّسْتَك : ... يعني حسّبتك .... توقعتك .... هقيتك

يعني مثلاً .. ( قيستك ياواد حتزل على عمتك فتّو ) ... وه ياستيته .. : D

بُخْنُق ... : اللي يتلبس في الراس ويكون مخيّط على قده .... : SMIL:

مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب في المداريه ) ؟؟ :-@

دهليز : يعني سيب (... سيب وانا اسيب )..... يعني محل كده زي اللي يكون قدام ابواب العماير



يدعك : ... يعني يفرك ... يعني مثلا .. ( ايش بتسوي يابت :-@ ... بادعك الاسورة : D .. روحي يابت عساكي بداعوك يدعك مصارين شيطانك غسلي الصحون بدل مانتي قاعدتلي كده لاشغله ولا مشغله
... :-@ )

مجغجغ : مليان مويه
الرجوع الى أعلى الصفحة اذهب الى الأسفل
 
اللهجة الحجازية >>>كلمات رووعة لا تفوتكم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
آحلام البنآت :: ღ♥ღ للمبدعات ღ♥ღ :: لغات العالم-
انتقل الى: